Eyðkenni fyri smá samfeløg og fyri oyggjasamfeløg er, at nógv tilknýti er út í heim. Eisini er eitt eyðkenni, at nógv flyting er millum Føroyar og útlandið. Ikki óvæntað er tilknýtið, sum føryingar hava úteftir fyrst og fremst til Danmarkar.
Av teimum 13.000 familjunum eru tað stívliga 9.000 ella 70%, ið hava heimabúgvandi børn. Men barnafamiljurnar eru smáar. Tær flestu av hesum, stívliga 6.500 hava 1 ella 2 børn, meðan tað bert eru 2.600, ið hava 3 børn ella fleiri.
Flestu kvinnurnar í Føroyum, sum hava átt børn, høvdu 11.11.11 átt trý børn. Næstan 4.400 kvinnur áttu 3 børn og 4.000 áttu tvey. Áleið sama tal átti eitt barn og fýra børn.
