Leigubústaðir kunnu vera íbúðir og sethús, og her eru íbúðirnar tær flestu við 57% og sethúsini sostatt 43%. Men tað er sera ymiskt, sum býtið er út um landið. Hetta sæst týðiga av talvuni niðanfyri. Heili 68% av leigubústøðunum í Suðurstreymi eru íbúðir. Øvugt eru um 70-90% av leigubústøðunum sethús í Sandoy, Suðuroy, Vágoy og Norðstreymi.
Leigubústaðir eru sera ymiskir, eisini tá húsaleigu umræður. Húsaleigan er ymisk, alt eftir býlisstødd, eftir býlisslag, um tað er íbúð ella sethús, hvar í landinum tað er, og so eftir, hvat er íroknað húsaleiguna. Í fólkateljingini vóru 4.460 fólk, ið búðu í leigubústøðum. Tey svara sera ymiskt, hvat er íroknað húsaleiguna. Tí ber ikki til at gera samanberingar við húsaleiguni hjá øllum hesum 4.460 leigarunum.
Eyðkenni fyri smá samfeløg og fyri oyggjasamfeløg er, at nógv tilknýti er út í heim. Eisini er eitt eyðkenni, at nógv flyting er millum Føroyar og útlandið. Ikki óvæntað er tilknýtið, sum føryingar hava úteftir fyrst og fremst til Danmarkar.
Vinnutíttleiki er arbeiðsfjøldin, t.vs. tey ið eru virkin ella tøk á arbeiðsmarknaðinum, í % av øllum fólkatalinum í vinnuførum aldri, her avmarkað til teirra millum 15 og 75 ár. Fyri allar Føroyar eru vinnutíttleikin næstan líka stórur hjá hjá kvinnum sum hjá monnum, ávikavist 76% og 79%.
Av øllum arbeiðsvirknum kvinnum arbeiða 51% niðursetta tíð, tvs. minni enn 35 tímar um vikuna. Hjá monnum eru tað 11%. Hetta eru fyri tey, sum eru 20 til 66 ára gomul.
