Vinnutíttleikin í Føroyum og Íslandi hægstur í Europa

Av 34 londum í Europa er vinnutíttleikin størstur í Føroyum og Íslandi, roknað fyri bæði kyn tilsamans. Vinnutíttleiki er arbeiðsfjøldin, t.vs. tey ið eru virkin ella tøk á arbeiðsmarknaðinum, í % av øllum fólkatalinum í vinnuførum aldri, her avmarkað til teirra millum 15 og 75 ár.

Høvuðskeldur til at gjalda fyri lívsins uppihald

Tað kunnu vera ymiskar keldur hjá einstaklingum og húsarhaldum til at útvega tað, sum skal til, fyri at gjalda til lívsins uppihald. Tað kunnu verða inntøkur, veitingar og stuðul av ymiskum slag.

Av húskjunum eru 40% pør við heimabúgvandi børnum og 26% støk uttan børn

Verða tey 17.441 húskini býtt í bólkar, um tey eru gift pør, ógift pør, støk og so felagshúski, og haraftrat um tey hava heimabúgvandi børn ella ikki, eru tveir bólkar nógv størstir. Tað eru gift pør við børnum, ið eru um 5.400, svarandi til gott 31%, og støk uttan børn, ið eru knappliga 4.500 ella 26%.

Nógv sjálvboðið umsorganararbeiði

Tað er ellinti hvør av øllum borgarum, ið ger ólønt røktar- ella umsorganararbeiði. Tilsamans eru tað stívliga 4 túsund fólk av útvið 40 túsund (yngri enn 15 ár eru ikki íroknað), ið gera eitthvørt umsorganararbeiði í eitt ávíst tímatal um vikuna. Tað svarar til 11% av øllum.

Síður