Í novembur var árstíðarjavnaða fulltíðararbeiðsloysið 2,0%, samanborið við 2,6% fyri einum ári síðani. Í tali var fulltíðararbeiðsloysið 557 persónar í novembur í ár, tað eru 189 færri enn sama mánað í fjør. Minsta arbeiðsloysið er í Eysturoy við 1,1%, og tað mesta er í Suðuroy við 4,6%.
Vinnuroknskapirnir eru dagførdir til og við 2015 og tøkir í hagtalsgrunninum, har vinnan verður lýst í 41 ymsum vinnugreinum. Umframt samlaða raksturin og javnan, eru eisini nøkur lyklatøl fyri hvørja einstaka vinnugrein.
Uppgerð av avreiðingunum frá januar til og við november 2017 er nú tøk í hagtalsgrunninum. Har eru meira útgreinaðir upplýsingar, bæði á fiskaslag, nýttan reiðskap og keyparabólkar.
Umsetningurin í smásøluni er dagførdur til og við 3. ársfjórðing 2017
Útflutningurin var samanlagt 7,2 mia. kr. frá januar til oktobur í ár, tað eru 785 mió. kr. meira enn sama tíðarskeið í fjør, svarandi til ein vøkstur á 10%. Av hesum var fiskavøruútflutningurin einsamallur 7,0 mia. kr., ein vøkstur á 13%. Í sama tíðarskeiði var innflutningurin 6,0 mia. kr., ið er 679 mió. kr. ella 13% meir enn í fjør.
