Talið av løntakarum ájavnt við tað mesta nakrantíð

Í mai vóru 26.029 løntakarar, árstíðarjavnað. Hetta er javnt við tað mesta, sum nakrantíð er skrásett. Í apríl 2008 toppaði talið av løntakarum, og nú, meira enn níggju ár seinni, er sama tal av løntakarum sum tá. Sum útlitini eru, kann tó væntast, at vøksturin heldur fram, og tí verða tað yvir 26.000 løntakarar restina av árinum.

Lønirnar farnar úr 700 upp í 750 milliónir mánaðarliga

Í juli vóru lønargjaldingarnar, árstíðarjavnað, 748 milliónir kr. Í 2016 vóru lønirnar um 700 milliónir hvønn mánað, men frá september í fjør til í dag hava lønirnar so líðandi klintrað uppeftir og eru nú 750 milliónir um mánaðin. Hetta ber í sær, at triðja árið á rað er vøksturin higartil í árinum stórur, um 6%.

Síður