26.282 løntakarar í januar

Í januar vóru løntakararnir 26.282 í tali. Løntakaratalið er støðugt økt síðani 2013, tá løntakarararnir vóru um 23.700 í tali.

Arbeiðsloysið hevur lagt seg á 2,1% í vetur

Í februar var árstíðarjavnaða fulltíðararbeiðsloysið 2,1%, eins og tað hevur verið í allan vetur. Í tali var fulltíðararbeiðsloysið 591 persónar í januar í ár, tað eru 97 færri enn sama mánað í fjør. Minsta arbeiðsloysið er í Vága sýslu við 1,3%, og tað mesta er í Suðuroy við 4,0%.

Avreiðingarnar fyrstu tveir mánaðirnar í 2018

Uppgerð av avreiðingunum fyri januar og februar 2018 er nú tøk í hagtalsgrunninum. Har eru meira útgreinaðir upplýsingar, bæði á fiskaslag, nýttan reiðskap og keyparabólkar.

Fólkatalið var 50.575 tann 1. februar

Fólkatalið var 50.575 tann 1. februar. Tað vaks við 697 fólkum í 12-mánaðar skeiðinum 1. feb. 2017 – 1. feb. 2018. Tað kemur av nettotilflyting á 500 og burðaravlopi á 197. Størsti fólkavøkstur er í Eysturoyar sýslu og Streymoy uttan fyri Tórshavnarøkið.

Síður