Arbeiðsloysið minkar alsamt og er nú 1,3%

Í novembur var árstíðarjavnaða fulltíðararbeiðsloysið 1,3%, samanborið við 2,2% fyri einum ári frammanundan. Í tali var fulltíðararbeiðsloysið 368 persónar, 247 færri enn sama mánað í fjør.

Nógv fleiri tons av toski avreidd í 2018

Avreiðingarnar í fjør vóru tilsamans góð 74 túsund tons, eitt túsund tons ella 1,4% meir enn í 2017. Nøgdin av toski og hýsi vaks við umleið 50%, meðan minking var av øðrum fiskasløgum, serliga upsa. Í virði vóru avreiðingarnar 85 mió. kr. ella 10% størri enn fyrra árið.

Føroyska arbeiðsfjøldin tann virknasta í Europa

Av øllum teim 36.500 fólkunum í Føroyum í aldrinum 15 til 74 ár eru 31.500 í arbeiðsfjøldini, t.v.s. vinnuliga virkin. Hetta er ein vinnutíttleiki á stívliga 86%. Samanborið við onnur lond er vinnutíttleikin í Føroyum nógv tann størsti í Europa, við Íslandi tætt aftanfyri.

Síður