Trendurin í januar, ið tekur hædd fyri árstíðaravvikum og øðrum óreglusemi í lønargjaldingunum, er 758 milliónir, ið er 1 millión hægri enn í desember mánaða. Vøksturin í lønargjaldingunum hevur verið avtakandi síðani árskiftið 2016/2017.
Tølini frá konjunkturkanningini fyri januar eru nú tøk í hagtalsgrunninum. Treystitalið er hesaferð 26, ið er tað sama sum í seinastu kanningini frá juni í fjør. Treystitalið er framvegis oman fyri miðaltalið fyri allar kanningarnar, ið gjørdar eru síðani 2006.
Í desember var árstíðarjavnaða fulltíðararbeiðsloysið 2,2%, samanborið við 2,6% fyri einum ári síðani. Í tali var fulltíðararbeiðsloysið 615 persónar í desember í 2017, tað eru 137 færri enn sama mánað í 2016. Minsta arbeiðsloysið er í Vága sýslu við 1,4%, og tað mesta er í Suðuroy við 5,2%.
Bæði í nøgd og virði hava avreiðingarnar verið støðugt lágar seinastu nógvu árini. Nøgdin, sum fór um avreiðingarskipanina í fjør, var smá 73 túsund tons. Til samanberingar vórðu í miðal góð 125 túsund tons avreidd árini 2000-2007.
Vit innfluttu fyri 6,6 mia. kr. í tíðarskeiðinum januar til november í fjør. Tað eru 800 mió. kr. meir enn sama tíðarskeið árið fyri, ein vøkstur á 14%. Størsti vøksturin við 286 mió. kr. er í brennievni, 49% meir enn sama tíðarskeið árið fyri.
