Fólkatalið vaks við 676 í fjør og var 50.498 við ársbyrjan 2018

Fólkatalið var 50.498 tann 1. januar. Tað vaks við 676 fólkum í 2017. Tað kemur av nettotilflyting á 465 og burðaravlopi á 211. Fólkavøkstur er í øllum høvuðsøkjum, men lutfalsliga størst í Vága sýslu og Streymoy uttan fyri Tórshavnarøkið. Nettotilflytingin vaks aftur í 2017, men burðarðaravlopið minkaði munandi.

26.358 løntakarar í november

Tølini fyri løntakarar í november mánaða eru nú tøk í Hagtalsgrunninum, útgreinaði á kyn, vinnugrein og bústaðarøki

659 milliónir útgoldnar í løn í januar

Trendurin í januar, ið tekur hædd fyri árstíðaravvikum og øðrum óreglusemi í lønargjaldingunum, er 758 milliónir, ið er 1 millión hægri enn í desember mánaða. Vøksturin í lønargjaldingunum hevur verið avtakandi síðani árskiftið 2016/2017.

Treystitalið stendur í stað og er framvegis yvir miðal

Tølini frá konjunkturkanningini fyri januar eru nú tøk í hagtalsgrunninum. Treystitalið er hesaferð 26, ið er tað sama sum í seinastu kanningini frá juni í fjør. Treystitalið er framvegis oman fyri miðaltalið fyri allar kanningarnar, ið gjørdar eru síðani 2006.

Arbeiðsloysið var 2,2% í desember

Í desember var árstíðarjavnaða fulltíðararbeiðsloysið 2,2%, samanborið við 2,6% fyri einum ári síðani. Í tali var fulltíðararbeiðsloysið 615 persónar í desember í 2017, tað eru 137 færri enn sama mánað í 2016. Minsta arbeiðsloysið er í Vága sýslu við 1,4%, og tað mesta er í Suðuroy við 5,2%.

Síður