Arbeiðsloysið minkað niður í 1,6%

Í august var árstíðarjavnaða fulltíðararbeiðsloysið 1,6%, samanborið við 1,7% mánaðin frammanundan og 2,4% fyri einum ári síðani. Í tali var fulltíðararbeiðsloysið 433 persónar, tað eru 238 færri enn sama mánað í fjør. Minsta arbeiðsloysið er í Vága og Norðoya sýslum við 0,7% og tað mesta í Suðuroy við 3,9%.

Væl meira av toski og hýsu avreidd higartil í ár

Avreiðingarnar av botnfiski eru tær somu tríggjar teir fyrstu árfjórðingarnar í ár, samanborið við sama tíðarskeið í fjør. Her er væl meira av tosk og hýsu men minni av upsa og øðrum botnfiski. Eisini er minni av flatfiski. Tilsamans er virðið eitt vet betri enn í fjør.

Brúkaraprísirnir eru farnir 1,7 prosent upp seinasta árið

Triðja ársfjórðing vóru brúkaraprísirnir 1,7 prosent hægri enn sama ársfjórðing í fjør. Hetta er væl meiri vøkstur enn annan ársfjórðing, tá árligi prísvøksturin var 0,6 prosent. Hetta er eisini mesti árligi prísvøkstur seinastu seks árini. Prísirnir á brennievni eru hækkaðir mest.

Síður